विकल श्रेष्ठ , ३१८१ पटक हेरिएको
भदौको २९ गतेबाट रिलिजमा आउन लागेको फिल्म ‘एक भगवत् गीता’को निर्माणपक्षले ४ फरक पोष्टर सार्वजनिक गर्दै प्रचार प्रसार आरम्भ गरेको छ । भदौ महिना लागेसँगै फिल्मको प्रचारलाई आक्रामक रुपमा अगाडि बढाउने तयारीमा रहेको निर्माणपक्ष बताउछन ।
फिल्मको ४ फरक पोष्टरमा मुख्य कलाकारहरुलाई समावेश गरिएको छ । एक पोष्टरमा नायक विपिन कार्कीको भिन्न लुक्स देख्न सकिन्छ । अर्को पोस्टरमा सुहाना धार्मिक र बोल्ड देखिएकी छिन् | त्यस्तै अर्को एक पोष्टरमा नायिका सुहाना थापा र नायक धिरज मगर रोमान्टिक देखिएका छन् । यस्तै, चौथो पोष्टरमा सुहाना थापा र बाल कलाकारलाई देख्न सकिन्छ ।
यी तिन फरक पोष्टरले फिल्मको कथा सार भन्न खोजेका छन् । फिल्म भित्र रोमानन्स, लभ, मित्रता र क्रोधको कथा रहेको वुझ्न सकिन्छ ।
झरना थापाको निर्देशनमा तयार भएको यो फिल्ममा सुनिल कुमार थापाको लगानी छ । यसपटक झरनाले कमर्सियल बिषयवस्तुमा अझै बढी जोड दिएको देख्न सकिन्छ ।
प्रकाशित मिति: २०२३-०८-१८ , समय : १२:०६:३९ , १ वर्ष अगाडि