ग्राउण्डजिरो सम्बाददाता , ९१९ पटक हेरिएको
सुनसरी, साउन ०२ गते ।
सुनसरीको बराहक्षेत्र नगरपालिका–३का ४५ बर्षीय विरबहादुरबिश्वकर्माले कुटपिट गर्दा ६ बर्षीय बालकको मृत्यु भएको आरोपमा प्रहरीले पक्राउ गरेको छ । मृत्यु हुनेमा बराहक्षेत्र–३ का बिक्रम बि.क.को ६ बर्षीय छोरा अबि बि.क. रहेका छन ।
मादक पदार्थ सेवन गरेका बिर बहादुर बि.क.ले बालकले कानमा लगाएको सुनको मुन्द्री तान्ने क्रममा बालकले नकारेपछी बालकलाई शरिरको बिभिन्न भागमा कुटपिट गरी घाईते बनाएका थिए । घाईते बालकको बिपिकोईला स्वास्थ्यबिज्ञान प्रतिष्ठान धरान उपचारको क्रममा मृत्यु भएको हो । पक्राउ परेका बि.क.को इलाका प्रहरी कार्यालय महेन्द्रनगरबाट आवश्यक अनुसन्धान तथा कानुनि कारवाही भईरहेको छ । यता झापा र खोटाङको छुट्टा छुट्टै स्थानहरुमा सवारी दुर्घटना हुँदा २ जनाको मृत्यु भएको छ । खोटाङको साकेला गाउँपालिका–१ स्थितमा भोजपुरबाट दिक्तेल तर्फ जाँदैगरे को प्रदेश२–०१–००१त२०१५नम्बरको ट्रयाक्टर अनियन्त्रित भई दुर्घटना हुँदा ट्याक्टर चालक स्थानिय २१ बर्षीय जिवन देउजाको घटनास्थलमानै मृत्यु भएको हो । यसैगरी झापाको गौरादह नगरपालिका–१ स्थितमा दुई वटा मोटरसाईकल आपसमा ठक्कर लागि दुर्घटना हुँदाघाईते भएका बा.७०प१८१नम्बरको मोटरसाईकल चालक गौरादह–१ का २४ बर्षीय सन्जोक भण्डारीको उपचारको क्रममा निम्स अस्पताल दमकमा मृत्यु भएको हो भने मे.६प५८१ नम्बरको मोटरसाईकल चालक सोही स्थानका २८ बर्षीय दुर्गा ताजपुरीयाको बिर्तासिटि अस्पताल बिर्तामोडमा उपचार भई रहेको छ ।घटना सम्वन्धमा सम्वन्धित प्रहरी कार्यालयबाट कानुनि कार्वाही तथा आवश्यक अनुसन्धान भईरहेको छ ।
प्रकाशित मिति: २०२४-०७-१७ , समय : १६:३७:४५ , ६ महिना अगाडि